Les mots surlignés font l'objet d'une note
1Monseigneur, tant plus estes esloigné de nous, tant plus sommes
2desireux d’entendre souvent de voz nouvelles et de ce qu’avés apprins
3depuis qu’avez trouvé monseigneur le mareschal de Dampville. Sy cest
4chose quon puisse commettre au hazard de lettre, jespère reprendre
5le chemin de Grenoble vers ceste Toussainctz, non pour m’entremesler
6encores des affaires du palais, mais pour demander encores repos dun
7mois, car pour reprendre les negoces publiques, je ne me veulx
8trop haster, ains me souvenir du proverbe festina lente. Jay
9respondu à la lettre que monseigneur le mareschal de Dampville m’escrivit
10de Moulins et par mesme moyen faict response à la votre escritte
11à Voyron. Je ay baillé mes lettres à ung gentilhomme de la
12compagnie de monsieur de Suze nommé monsieur de Monceaulx,
13pour les vous faire tenir. Monsieur et madamoiselle de Marcieu
14presentent leurs humbles recommandations à votre bonne grace.
15je vous prie accepté aussy les miennes. Surce, priant le
16Createur vous donner
17Monseigneur, en parfaicte santé longue et bone vie.
18D’Avallon, ce XVme jour d’octobre 1572
19Vostre à jamais plus fidelle et plus
20affectionné serviteur Truchon